BARREJADÍS

L'istòria

En quauqu'un lòc, en 'as Pirenèas, en 'as montanhas deth Conserans, a 'ra fin deth sègleXIX.

En eths vilatges, en eths bordaus, era mès petita de 'ras casas, qu'è abitada per ua familha de paisans que s'arrapa a 'ra tèrra per viver. Quauqu'un còp, un proprietari mès importent que jòga eth ròtle d'un notable. Eth molièr qu'è tanben quauqu'un de mès ric qu'eth ensemble d'era populacion. Qu'è eth sol a aver un carreton, tirat per ua mula.

Qu'è aiquí, en aqueth environament, que demòra Joan del Riu, capdèt d'ua familha de paisans. Qu'a un vintenat d'ans, que trebalha era tèrra. Eth sieu pepin, paisan e colportaire que l'a ensenhat a jogar deth violon.

Un dià que s'en va hèr dançar eth vilatge per sen Miqueu, passa péra mola deth Rei, saludar 'th molièr. Aqueth òme que s'è endromith aishus eras sacas de blat a moler. Joan temptat e mòrt de hame, qu'en pana una ! Qu'è en aqueth moment, que comença 'th conde de Joan del Riu !

Perseguith peths gendarmons, que s'escapa. Que quita 'th pais, ont era vita è devenguda tan dura. Se'n anirà a Pòrt-Vendres, prener un batèu cap a 'ra Còrsa e cap a'r' Africa. Mes, qui sap ont anirà ? Tot eth sieu viatge, que sirà mirgalhath de rencontras e de musicas…